Kven er Bygg Bygland?

Bygg Bygland arbeider akrivt for å avdekke moglegheiter for utvikling og knoppskyting, samt å identivisere utviklingsprosjekt. Dette inneber blant anna oppsøknade verksemd mot næringslivet. Bygg Bygland har som må å vere ein synleg aktør som næringslivet kjenner til, og som det skal vere lett å kome i kontakt med.

Bygg Bygland ønskjer å bidra til å vidareutvikle idéar frå bedriftene sjølve. Gjennom å støtte opp under utviklingsprosjekt som spring ut frå bedriftene sine eigne idéar, ønskjer Bygg Bygland å fungere som ein katalysator og støttespelar for å realisere bedriftene sine eigne mål.

Eitt av tiltaka på dette området er SMB-utviklingsprogram gjennom Innovasjon Norge. SMB står for “små og mellomstore bedrifter”, og er eit verktøy som skal bidra til å skape vekst i små og mellomstore bedrifter i omstillingsområdet. Verktøyet omfattar rådgivingsteneste og hjelp til utarbeiding av prosjektplanar for utviklingsprosjekt i lokale bedrifter.

Auka kompetanse kan vere ein muleg veg til vekst i ei bedrift, eller til å utvikle noko nytt. Bygg Bygland kan bistå både med økonomisk støtte til kompetanseutvikling, og gjennom å sette bedrifta i kontakt med ulike kompetansemiljø som kan gi råd og rettleiing på det aktuelle området.

Ta gjerne kontakt med Bygg Bygland tidleg for å diskutere mulegheiter for kompetanseutvikling. Gjennom ulike nettverk kan Bygg Bygland skape kontakt med andre bedrifter og kompetansemiljø, eller gi rettleiing med tanke på eventuell økonomisk støtte til tiltak. Bygg Bygland kan vise til aktuelle eksterne støtteordningar, og har også mulegheit til sjølv å støtte kompetansetiltak.

Det er muleg å søke om støtte til kompetansekartlegging og kompetansehevingstiltak, og til samarbeidsprosjekt som har mål om å gi øauka kunnskap og vekst.

Ordinær utdanning eller omskolering inngår ikkje i tilskotsmidlane frå Bygg Bygland.

Bygg Bygland har som mål å tilrettelegge for nettverksbygging mellom ulike aktørar i næringslivet. Dette inneber både å behalde eksisterande arenaer og å etablere nyue nettverk mellom ulike aktørar i og utanfor kommunen.

Gjennom å bidra til å oppretthalde og vidareutvikle gode samhandlingsareaer, ønskjer Bygg Byglande å medverke til auka konkurransekraft for det lokale næringslivet. Det er også eit mål å etablere nettverk med aktuelle nærings- og kompetansemiljø utanfor kommunen, for å kunne tilføre endå meir kompetanse og legge til rette for samarbeidsmulegheiter.

Bygg Bygland samarbeider tett med Bygland næringslag. Gjennom næringslaget kan Bygg Bygland halde ein nær dialog med dei eksisterande næringsdrivande i kommunen, og båe partar har mulegheit til å komme tidleg på banen i aktuelle spørsmål.

Bygg Bygland ønskjer å medverke til å skape eit gründermiljø i Bygland som gjer det attraktivt å starte bedrift og/eller flytte eksisterande bedrifter til kommunen, samt gi gründarar ein større sjanse for å lykkast ved å bidra til auke forretningskompetanse.

Det finns moglege støttespelarar for gründarar og nyetablerarar i Bygland. Vi ønskjer at du tar tidleg kontakt med Bygg Bygland for å kunne få eit møte og gratis rettleiing.

På Innovasjon Norge sine sider for nyetablerte, finns mange, gode tips: Oppstart av bedrift | Innovasjon Norge

Etter det første møtet finns det fleire mulege vegar vidare. Her er nokre ekspempel:

• Driv Agder
• Pågang næringshage
• Innovasjon Norge

Gjennom å sette i gong og støtte opp under prosessar som utvikler Bygland sin attraktivitet for næringslivet, er målet for Driv både å styrke eksisterande bedrifter og legge til rette for nyetableringar. Dette kan vere å bidra til fleire formelle og uformelle møteplassar, kompetanseutvikling, tilgang på nødvendig ekspertise og nettverksbygging. Byugland skal vere ein næringsaktiv kommune som det er lett å etablere og utvikle verksemd i.

Gjennom Bygg Bygland skal kommuneadministrasjonen utviklast for å styrke Bygland som ein næringsvenleg kommune. Målet er å bidra til å løfte dei kommunale tenestene som blir tilbydd til næringslivet. Dette inneber at kommunen skal bli ein betre tilrettelaggar og samarbeidspartnar for lokalt næringsliv, både for utviklinga av enkeltbedrifter og nettverksamarbeid. Bygland kommune skal opplevast som ein tilgjengeleg og god samarbeidspartnar for dei næringsdrivande.

Det er eit mål at Bygland kommune skal bli opplevd som ein attraktiv kommune å drive næring, arbeide, besøke og bu i. Bygg Bygland ønskjer å bidra til å sette i gong og drive prosessar som utvikler Bygland sin bustad- og besøksattraktivitet.

Bygland kommune har avtale med Visit Setesdal om tenester knytta til destinasjonsutvikling og turistinformasjon på nett. 
Nettsida Visit Setesdal.

Bygland kommune har hatt ein nedgang i nbyggartall over tid, og dette er noko av bakteppet for at Bygg Bygland blei sett i gong. Gjennom å satse på auka bu- og besøksattraktivitet i tillegg til rein næringsutvikling, er målet å skape ein endå meir robust og attraktiv kommune. 

Bygg Bygland vil bidra til å utvikle entreprenærskap og innovasjon gjennom heile oppvekstløpet. Dette kan til dømes innebere å bidra inn i Ungt Entreprenørskap-prosjekt på ungdomsskuletrinnet. Det er og eit mål å bidra til gode koblingar mellom ungdommar og næringslivet, gjennom til dømes deltaking på jobbmesser. Slik vil ungdommar få betre innsikt i næringslivet og mulegheitene som finns.

Gjennom å legge til rette for å utvikle kreativitet og entreprenørferdigheiter, ønskjer Bygg Bygland å styrke kompetansen og innovasjonstenkinga hos innbyggarane. Slik vil vi kunne engasjere morgondagens endringsagentar og gründarar.